T.Pumkhothang – Vualzawlna katan vangin lyrics

1.Nunlui liamsa ka geel zeel a
Ka phawk kik zeel tualniam ka hinkhua
Ka phu lel in hon pi le chin
Ka tang zou diam? Ka tu dinmun

Kipahna gen senglouh kanei Toupa
Na vualzawlna ka tan vang in maw
A omlai ding kaki pahna
Ka tan lai ding vualzawlna omte ah.

2. Van daitui in nahon luan a
Ka na ah lei vualzawlna non pia
Ka neih haichi tangkhat lel zong
Aleh za in na pung sakta.

3. Na hon pi dan a lamdang e.
Ka hihna bangmah a hilou zong
Mi a simtak hilou mah leng
Na hon pi lut mihing lai ah.

4. Leivui pan in nahon pikhia
Napaal zou in a sangzaw sem ah
Simzoh louh vualzawlna pu dia
Na hon pi zaw a lamdang lua.