Platanna – Tarzan lyrics

Jou oë brand gate in my holtes
en tonnel in my rugstring
In ‘n bottel op ‘n lang rak
hou jy formalien gedagtes

Met ‘n staar sonder verligting
maak jy die oerwoud dragtig
In die sweet van jou aanskyn
rys die brode in my bors

Chorus:
Jou lyf is vol geheime
Jy smeul in klank en ryme
Tarzan in jou lag
en ek dink aan wat nog wag

Is daar ‘n bed in jou gatsak
waarvan die springs raas
en ‘n dowwe lig op jou balkon
Kan jy eiers bak

As die son agter die randjies sak
is daar spiëels in jou dak
Sal jy net daar staan en fôkol sê
Sal jy by my lê

Chorus